I gat sik Polio binatang vaires i kamap long PNG bikos planti ol pikinini ino kisim gut olgeta banis sut bilong ol, tasol yumi olgeta ken stopim dispela sik.
Fri sut bilong ol pikinini long 10-pela krismas
Wok wantaim long narapela Nesenel Imunisesen Kempen long Ogas/Septemba 2025
NOKEN LUSIM WANPELA PIKININI STAP BIHAIN LONG PAIT BILONG DAUNIM POLIO
I gat sik Polio i kamap. Yumi olgeta ken stopim dispela sik.
PNG i no gat sik polio long planti yia pinis. Ol pikinini bilong mipela i stap gut long dispela sik nogut. Nau, polio i kam bek gen long sampela hap bilong kantri bilong yumi. Dispela em i bikpela samting, tasol yumi ken stopim taim yumi wok wantaim.
Bilong wanem sik Polio I kamap?
Polio binatatang vaires i save kalap isi tru igo long ol pikinini husat i no kisim banis sut bilong daunim sik polio na ol narapela sik bilong ol pikinini.
Yu gat wok long mekim long bihain taim bilong ol!
Longpela taim PNG i nogat sik Polio, i no gat planti pikinini i kisim banis sut bilong ol gut. Dispela i mekim na planti pikinini i no gat gutpela banis bilong bodi. Nau Polio vaires i kamap gen, laip bilong ol pikinini bilong yumi i stap long hevi. Em i bikpela samting tru olsem olgeta pikinini i mas kisim 'banis sut hariap tru.
KAMAPIM SENIS. PINISIM POLIO.
Polio inap long mekim man lek han i dai inap long laip taim bilong em
Sori tru, dispela birua i stap Polio em i wanpela bikpela sik we i save bagarapim bodi. Em inap long mekim pikinini i paralais – dispela i min olsem pikinini inap long lusim strong bilong muvim han o lek bilong em, long laip taim bilong em na long sampela taim em inap long kilim em i dai. Dispela tu i ken mekim hat long ol pikinini long wokabaut, pilai, na stap gut. Sapos yu lukim han lek bilong ol pikinini bilong yu i no strong, hariap kisim ol i go long hausik klostu long kisim tes bilong sik Polio.
Gutnius em i olsem, dispela inap long stop isi tru, taim em i kisim banis sut.
Ol Pikinini Bilong Yumi i Stap Long Hevi!
Nesenel Dipatmen blo Helt (NDoH) i bin skelim dispela hevi na i tok olsem ol pikinini aninit long 10-pela krismas i stap long bikpela heve long kisim sik long dispela sik polio.
Yumi mas mekim samting nau long banisim ol.
Banisim ol Pikinini bilong Yu: Kisim Fri Imuaisesen Sevis
Wanpela rot tasol long banisim pikinini bilong yu long sik Polio em long kisim sut. Em i seif, em i wok gut, na em i fri.
Ol i bin yusim 'polio banis sut long olgeta hap kantri na i bin helpim planti kantri long pinisim dispela sik. Ol dokta, ol helt wokman a, ol papamama, na ol komyuniti hia long PNG i trastim na mekim gutpela toktok long em.
NOKEN WET!
Mipela i askim olgeta mama na papa long PNG, long givim sut long olgeta pikinini aninit long 10-pela krismas. Dispela iken banisim sik Polio, maski ol i bin kisim sut bipo. Sapos ol ino kisim wanpela sut, dispela inap putim pikinini bilong yu long hevi.
Kisim ol pikinini bilong yu igo long hausik klostu o long ol helt tim istap long komyuniti bilong yu nau.
Ol pikinini we i go long skul bai kisim sut long ol skul
Luksave long mak istap long pinga
Plis bringim helt buk bilong pikinini bilong yu sapos yu gat wanpela.
Sapos nogat, noken wari, pikinini bilong yu i ken kisim sut yet.
Long kisim moa toktok, go long PNG Ministri bilong Helt o polioeradication.org
WOK BUNG WANTAIM LONG KISIM BANIS SUT BILONG PIKININI BILONG YU:
Namba wan raun bilong kempen long Mainland PNG bai stat long mun Ogas we ol Niugini ailan provins bai joinim kempen long mun Septemba long taim bilong namba tu raun.
MOA TOKTOK BILONG BANIS BILONG POLIO: OLGETA LUKAUT
OLGETA DEI, BANIS SUT
Pikinini bilong yu aninit long 2-pela krismas bai kisim ol narapela sut we em i no bin kisim, na dispela bai lukautim em long ol narapela sik bilong pikinini olsem 'measles', TB, 'tetanus', na 'diphtheria'.
VAITAMEN A SAPLAI
(6-59 MUN PIKININI)
Dispela bikpela vaitamin i helpim strongim bodi bilong pikinini bilong yu, na helpim em long paitim ol sik na stap helti.
OL MARASIN BILONG RAUSIM OL BINATANG
(24-59 MUN PIKININI)
Ol dispela marasin bai helpim long lukautim pikinini bilong yu long ol Binatang insait long bel, we inap long bagarapim ol pikinini long kamap gut.
MEKIM SAMTING NAU:
Lukautim pikinini bilong yu
na komyuniti bilong mipela
Olgeta pikinini i kisim sut i bringim yumi i go klostu long wanpela
Papua Niugini we i no gat sik polio. Pasin bilong yu tude bai
i lukautim pikinini bilong yu, komyuniti bilong yu,
na kantri bilong yumi olgeta.
Em i isi, em i sef, na em i fri. Yumi ken stopim Polio gen.
MIPELA I LAIK HARIM LONG YU!
Plis pulumapim dispela sotpela fom bai mipela i ken stretim ol toktok bilong mipela na helpim long lukautim olgeta pikinini insait long PNG.
WANT TO SUPPORT US?
Post this on your social media:
Together, We Can End Polio in Nigeria!
Polio has been eliminated in many parts of the world. Our country is almost there - but we must keep going until every child is safe!
Learn more on
www.polioeradication.org
